თბილისი (GBC) - „ჩვენს მიერ ჩატარებული კვლევა სექტორის ზრდის პოტენციალის განსაზღვრისთვის საკმარის საფუძველს გვაძლევს. ჩვენი პროგნოზით, ორგანიზებული მოთამაშეების გაყიდვები მომდევნო 5 წლის განმავლობაში 5,5 მილიარდ ლარამდე გაიზრდება, რაც ორგანიზებული ბაზრის წილის 13%-ით გაზრდას და 600-ზე მეტ ახალ ქსელურ მაღაზიას ნიშნავს. თუ წინა წლებში ზრდა უმეტესწილად დედაქალაქზე მოდიოდა, ბაზარი ამ ეტაპზე რეგიონების მიმართულებით უფრო გააქტიურდება, რასაც ხელს უწყობს ზრდადი ტურიზმი”, - განაცხადა „თიბისი კაპიტალის“ კვლევების უფროსმა  თორნიკე კორძაიამ

კვებისა და სწრაფი მოხმარების პროდუქციის - FMCG სექტორის საინვესტიციო ანალიზი  თიბისიმ გასულ კვირას წარადგინა.  მიზანი კომპანიებთან და პოტენციურ ინვესტორებთან ერთად ბაზრის მიმდინარე მდგომარეობის მიმოხილვა და სექტორული ანალიზია.

ანალიტიკოსების 2019 წლის ბოლოსთვის FMCG სექტორის  გაზრდას ელიან,  ₾9,4 მილიარდამდე.

ორგანიზებული მოთამაშეები - ბრენდირებული სავაჭრო ქსელები, ბაზრის 28%-ს დაიკავებს.

თიბისი კაპიტალი  (თიბისი ბანკის შვილობილი) საინვესტიციო საბანკო მომსახურებას ეწევა (საფინანსო  კონსულტაცია, სარეიტინგო მომსახურება, ობლიგაციებისა და აქციების ემისია, საინვესტიციო კვლევითი და საბროკერო საქმიანობა).