თბილისი (GBC) - ხელოვნური ინტელექტის პირველი უნივერსიტეტი ბიზნესის და ტექნოლოგიების უნივერსიტეტის ბაზაზე იწყებს ფუნქციონირებას.

BTU AI -ის პროექტს, მიხეილ ბატიაშვილი  Microsoft , HPE და HP -ის ჩართულობით ახორციელებს.

BTU AI საერთაშორისო მასშტაბის საგანმანათლებლო-ტექნოლოგიური პროექტი, რითაც განათლების სისტემა ადამიანური კაპიტალის განვითარებისთვის ახალ შესაძლებლობებს შექმნის.

სტუდენტებსა და მკვლევარებს შესაძლებლობა მიეცათ მიიღონ წვდომა ხელოვნური ინტელექტის მიმართულებით წამყვან პროგრამულ გადაწყვეტილებებზე და ჩაატარონ კვლევა მათ ონლაინპლატფორმაზე.

ხელმისაწვდომი ხდება Microsoft-ის კიდევ ერთი პროდუქტი Artificial Intelligence for Business, რომელიც დაინტერესებულ მხარეებს საშუალებას მისცემს შეისწავლონ და დანერგონ ხელოვნური ინტელექტის გადაწყვეტილებები და ამით კომპანიისა და ინსტიტუციის ეფექტურობა სხვადასხვა სექტორში, მათ შორის განათლებასა და ტურიზმში გაზარდონ. კომპანია HP inc-სა და ბიზნესისა და ტექნოლოგიების უნივერსიტეტის თანამშრომლობის ფარგლებში კი შეიქმნა ლაბორატორია, რომელიც მანქანურ სწავლებაზე მორგებული კონფიგურაციის მქონე მაღალი წარმადობის სამუშაო სადგურებითაა აღჭურვილი.

აღნიშნულ სამუშაო სადგურებში პრიორიტეტულია მოწყობილობები (ვიდეო ადაპტერები) რომლებიც დიდი ოდენობით მონაცემების დამუშავებაზე მათზე მათემატიკური გამოთვლების წარმოებით იქნება გამოყენებული.

AI -ის მიმართულებით, სადოქტორო პროგრამაზე პირველი მიღება 2020 წელს გამოცხადდება.