თბილისი (GBC) - მსოფლიოში კარგად ცნობილი ხის კენწეროების ბილიკები საქართველოში პირველად ლაგოდეხის დაცულ ტერიტორიებზე მოეწყობა. გერმანულ-ჰოლანდიურმა კომპანიამ CITYFORESTER ბილიკის პროექტირების სამუშაოები უკვე დაასრულა. პროექტი მოიცავს კოშკურებს, საჰაერო ბილიკს, ხიდებს, საგანმანათლებლო და საინტერპრეტაციო ინტერაქტიულ პორტალებს.

ბილიკი წრიული ფორმისაა და მისი სიგრძე 500 მეტრი იქნება.

ბილიკი, წინასწარი გათვლებით, 1 წლის განმავლობაში, 60 000 – 100 000 ადამიანის მასპინძლობას შეძლებს.

საპროექტო სამუშაოების მომზადების პროცესში ორი უცხოური კომპანია OPENFABRIC და IMAGINE STRUCTURE მონაწილეობს.

მსგავსი ბილიკები მხოლოდ მსოფლიოს წამყვან ეროვნულ პარკებშია.