თბილისი (GBC) - ტექსტილის მწარმოებლებთან  კომუნიკაციისთვის , ეკონომიკისა და განათლების სამინისტროების თანამშრომლობით ერთობლივი სამუშაო ჯგუფი შეიქმნა

გეგმის მიზანია, საქართველოს უმაღლესმა და პროფესიულმა სასწავლებლებმა შეძლონ კვალიფიციური პერსონალის მომზადება ტექსტილის წარმოებისთვის.

„ტექსტილის ინდუსტრია საქართველოს ეკონომიკის ერთ-ერთი ყველაზე სწრაფად მზარდი, მსხვილი დამსაქმებელი და ექსპორტზე ორიენტირებული მიმართულებაა. ყველა გამოწვევა, რომელიც დარგის განვითარებას უშლის ხელს, მთავრობის მიერ გადაუდებელ ამოცანად სახელდება“, - განაცხადა ეკონომიკისა და მდგრადი განვითარების მინისტრმა.

დამატებითი ინფორმაციისთვის, კომპანიებმა უნდა მიმართონ განათლების, მეცნიერების, კულტურისა და სპორტის სამინისტროს შემდეგ ელექტრონულ მისამართზე: achkhikvadze@mes.gov.ge ან ეკონომიკისა და მდგრადი განვითარების სამინისტროს შემდეგ ელექტრონულ მისამართზე: gedilashvili@moesd.gov.ge