თბილისი (GBC) - თუ ენერგეტიკის სამინისტროს აღდგენა 2 წელს დაგვაკარგინებს, ჯობია არ გავაკეთოთ- მიიჩნევს  „საერთაშორისო გამოცდილება საქართველოს“ დამფუძნებელი მურმან მარგველაშვილი.

მისი თქმით, რეფორმები სამინისტროების  გაერთიანებამაც შეაფერხა. თუმცა, ახლა მარგველაშვილის ვარაუდით, უმჯობესია ენერგეტიკის სამინისტროს ცალკე გამოყოფის საკითხი აღარ დადგეს და ის, სადაც არის იმ სტრუქტურაში გაძლიერდეს.

„ენერგეტიკის სამინისტრო გვჭირდებოდა, ახლა აღარ. რეფორმის ძალიან დიდი ტალღა იყო, რაც ახლაც გრძელდება. ამას ლოკომოტივი სჭირდება, პოლიტიკური ნებაც და პროფესიულიც. ენერგეტიკის  ეკონომიკის სამინისტროსთან გააერთიანებაში დრო დაიკარგა – რეფორმები შენელდა. ამან ინვესტორებში გაუგებრობა გამოიწვია“, – განუცხადა  მურმან მარგველაშვილმა „ბიზნესპარტნიორს“.