თბილისი (GBC) –  ბანკი ქართუს სამეთვალყურეო საბჭოს თავმჯდომარის (ნიკოლოზ ჩხეტიანი) მოადგილედ თემურ კობახიძე აირჩიეს (უფროსი დამოუკიდებელი წევრი).

ამ დროისთვის  5-წევრიან საბჭოში 1 ქალია. სებ-ის კორპორაციული მართვის კოდექსი 80/20 ბალანსის დაცვას ითხოვს.

თემურ კობახიძე იოსებ იმნაძის და ხვიჩა მაქაცარიას (ლაურა ღაჭავას ბიზნესპარტნიორი) პარტნიორად  რამდენიმე კომპანიაში ფიგურირებს, მათ შორისაა სითისაითი, ჯორჯიან ტექნოლოჯი, ალკოჰოლური სასმელების ქარხანა.

ივანიშვილის საბანკო აქტივის გასხვისების ახალი დეტალები ჯერ უცნობია. როგორც გახსოვთ, ახლახანს, მან დაადასტურა,ლიბერთის სამეთვაყეურო საბჭოს თავმჯდომარის ირაკლი რუხაძის  ვერსია, აქტივის ყიდვა-გაყიდვის მოლაპარაკებებზე.

ივანიშვილი ბანკს პროფილის შენარჩუნების დათქმით ყიდის. საფინანსო ინსტიტუტი არ უნდა დაიხუროს, რომ ბაზარი ორმა მძლავრმა მოთამაშემ არ შთანთქას. „ქართუს“ ნომინალურ ფასად ყიდის, იმ ფასად, რაც კაპიტალში შეიტანა თავდაპირველად.