თბილისი (GBC) - "ანაკლიაში, ღრმაწყლოვანი პორტის აშენების ინიციატორი და სულისჩამდგმელი იყო და რჩება ხელისუფლება. პროექტის წარმატებით განხორციელებისთვის, სახელმწიფომ საკუთარ თავზე აიღო მნიშვნელოვანი ვალდებულებები და იმაზე გაცილებით მეტი გააკეთა, ვიდრე თავდაპირველი ხელშეკრულებით იყო გათვალისწინებული", - ექსპრემიერი საზოგადოებას შეახსენებს, რომ სახელმწიფოს ვალდებულება პორტის ტერიტორიამდე რკინიგზის მიყვანა, მიწების გამოსყიდვა და პორტისთვის გადაცემა იყო, მთავრობის გადაწყვეტილებით  საპარტნიორო ფონდი კონსორციუმს $100 მლნ სუბორდინირებული სესხით დაეხმარებოდა.

"სახელმწიფოს საკუთარი ვალდებულებები პირნათლად და გადაჭარბებით აქვს შესრულებული“, - დასტურად მამუკა ბახტაძე   ხელშეკრულებაში >40 ცვლილებას და 7 გადავადებას იხმობს. 

"დამახინჯებას და მოდელირებასაც უშედეგოდ ცდილობს მამუკა ხაზარაძე", - ჯერ კიდევ „საქართველოს რკინიგზის“ გენერალური დირექტორობისას, აქტიურად ვუჭერდი მხარს ანაკლიაში ღრმაწყლოვანი პორტის რეალიზაციის პროექტს; ეს მხარდაჭერა კიდევ უფრო ინტენსიური გახდა ჯერ ფინანსთა, შემდეგ კი - პრემიერ-მინისტრის პოსტზე ჩემი ყოფნისას", - ბახტაძის თქმით, ხაზარაძე იტყუება. 

"უსაფუძვლო ბრალდებამ კიდევ ერთი ფაქტი გამახსენა, მის მიმართ გამოძიების დაწყებისას, რომ დამაბრალა თითქოს ბიზნესასოციაციამ ჩემთან შეხვედრა ითხოვა და არ შევხვდი"

.

ექსპრემიერმა პასუხიმგებლიანი დაკრედიტების რეფორმაც გაიხსენა " საბანკო სექტორში ახალი სამართლიანი თამაშის წესები დავიწესეთ, რითაც მოსახლეობის ძარცვას და 500-600% ჯარიმებს ბოლო  მოეღო", - მამუკა ბახტაძე არ გამორიცხავს, ხაზარაძემ თქვას, რომ საკრედიტო პორტფელიც დაათმობინა, ვალების  განულების "ქართუს" დაფინანსების პროგრამის ფარგლებში.