თბილისი (GBC) – ქვეყნის საგარეო ვალდებულებები იზრდება. 2019 წლის 31 დეკემბრის მონაცემებით, 5,74 მლრდ დოლარია.

ერთი წლის განმავლობაში საქართველოს საგარეო ვალდებულებები 306,17 მლნ დოლარით არის გაზრდილი, ვალდებულებები გაზრდილია თვიურ ჭრილშიც 347 მლნ დოლარით.

ფინანსთა სამინისტროს მონაცემებით, საერთაშორისო ინსტიტუტების მიმართ ქვეყანას 3,9 მლრდ დოლარი მართებს. საქართველოს 17 ორმხრივი კრედიტორი სახელმწიფოც ჰყავს და მათ წინაშე არსებული დავალიანება 1.01 მლრდ დოლარია. სახელმწიფო ფასიანი ქაღალდების გაყიდვიდან მიღებული საგარეო ვალის მოცულობა 500 მლნ დოლარია.