თბილისი (GBC) - ეკონომიკის სამინისტრო წმინდა ექსპორტის ზრდაზე აღნიშნავს.

„როგორც მთლიანი ექსპორტის, ასევე ადგილობრივი ექსპორტის რეკორდული მოცულობაა. ექსპორტი რეექსპორტის გარეშე - ადგილობრივი ექსპორტი გაიზარდა 5.7%-ით (Y.Y), $2,352 მლრდ-მდე, რაც მთლიანის 62.4%-ია. რაც  12.4%-ით მომატებულია, $3,771.5 მლრდ-მდე", -  განაცხადა ეკონომიკისა და მდგრადი განვითარების მინისტრის პირველმა მოადგილე ეკატერინე მიქაბაძემ.

„საქსტატის“ ინფორმაციით, უმსხვილესი საექსპორტო პროდუქტებიდან 2019 წელს მნიშვნელოვნად გაიზარდა მსუბუქი ავტომობილების (68.2%), სპილენძის მადნების და კონცენტრანტების (29.2%), ყურძნის ნატურალური ღვინოების (13.2%), მედიკამენტების (17.2%) და მინერალური და მტკნარი წყლების (21.2%) ექსპორტი.  

„ევროკავშირში ზრდა ძირითადად ადგილობრივი ექსპორტის ზრდით არის განპირობებული.  $736.6 მლნ -ს შეადგენს. +17.2%Y.Y. ევროკავშირის წილი ადგილობრივ ექსპორტში 31.3%-ია.  ასევე, ევროკავშირში განხორციელებულ მთლიან ექსპორტში ძირითადი წილი ადგილობრივ ექსპორტზე მოდის, წილი ევროკავშირში განხორციელებულ მთლიან ექსპორტში 89%-ია, , დსთ-ის ქვეყნებში ექსპორტის ზრდა კი ძირითადად რეექსპორტის ზრდას უკავშირდება,“ –  - განაცხადა ეკატერინე მიქაბაძემ.

ქვეყნების მიხედვით ექსპორტი მნიშვნელოვნად გაიზარდა სომხეთში (47.9%-ით, 134 მლნ აშშ დოლარით), რუმინეთში (207.7%-ით, 120 მლნ აშშ დოლარით), უკრაინასა (39.8%-ით, 70 მლნ აშშ დოლარით) და რუსეთში (13.9%-ით, 60 მლნ აშშ დოლარით).