თბილისი (GBC) - ტრანსკასპიური საერთაშორისო სატრანსპორტო მარშრუტით (TITR) საკონტეინერო ტვირთბრუნვა  71%-ით გაიზარდა.

 „საქართველოს რკინიგზის“ ცნობით, დერეფნის შედეგებზე ალმათში,  ასოციაცია ТМТМ -ის შეხვრაზე იმსჯელეს, რომელსაც სს „საქართველოს რკინიგზის“ დელეგაცია, გენერალური დირექტორის, დავით ფერაძის ხელმძღვანელობით დაესწრო.

2019 წელს კასპიის ზღვით გადაზიდული საკონტეინერო ტვირთი 71 %-ით (10,7 ათას TEU) გაიზარდა და ეს აღნიშნულ დერეფანში გადაზიდვის რეკორდული მაჩვენებელია.

2019 წლის აპრილში წამოწყებულმა საფიდერო სერვისმა მნიშვნელოვნად გაზარდა შუა დერეფანში (Middle Corridor) ტვირთის ოდენობა და შეამცირა საკონტეინერო გადაზიდვის დრო.

ТМТМ-ის ახალი წევრებიც შეემატნენ - ჩინური კომპანია Xi’an Continental Bridge International Logistics Co., Ltd და ყაზახური ,,აქტაუს საზღვაო ჩრდილოეთ ტერმინალი“ და ამასთანავე, 2020 წლის სატარიფო პოლიტიკა შეთანხმდა.