თბილისი (GBC) - ქვეყნები ყველაზე მაღალი გადასახადით

შვედეთის მოქალაქეები ყველაზე მაღალ საშემოსავლო გადასახადს იხდიან, - 2019 წლის მონაცემებით ქვეყანაში საშემოსავლოს ზღვარი 57.1%-ს შეადგენდა რაც OECD-ის ქვეყნების საშუალო მაჩვენებელზე მაღალია.

ეკონომიკური თანამშრომლობისა და განვითარების ორგანიზაციის წევრ ქვეყნებში საშემოსავლო გადასახადის ზღვარი საშუალოდ 41.6%-ია.

ავსტრიაში, ნიდერლანდების სამეფოსა და ბელგიაში მოსახლეობის ის ნაწილი, რომლის შემოსავლები უფრო მაღალია, მაღალი პროცენტით იბეგრებიან, დაბალშემოსავლიან მოსახლეობასთან შედარებით.

თუმცა არსებობენ ქვეყნები სადაც საშემოსავლო გადასახადი საერთოდ არ არსებობს. ასე მაგალითად ნავთობით მდიდარი ქვეყნები - საუდის არაბეთი, ყატარი, ქუვეითი.

ქვეყნების ყველაზე მაღალი საშემოსავლო გადასახადით  2019 წ:

•               შვედეთი - 57.1%

•               იაპონია - 55.9%

•               ავსტრია - 55%

•               ნიდერლანდების სამეფო - 51.7%

•               ბელგია - 50%

•               ირლანდია - 48%

•               ავსტრალია - 45%

•               ჩინეთი - 45%

•               საფრანგეთი - 45%

•               გერმანია - 45%