თბილისი (GBC) - თიბისის "სტარტაპერისა“ და  MY.GE-ს ინიციატივით,ყველაზე დიდი ონლაინ სტარტაპ მარკეტი Mystartup.ge  იქმნება.

ელექტრონული კომერციის პირველი პლატფორმის ინიციატივის ფარგლებში, დამწყები ბიზნესი პროდუქციის განთავსებას   სტარტაპერებისთვის განკუთვნილ ონლაინ სივრცეში შეძლებენ. ისარგებლებენ უპირატესობებიტ.

“სტარტაპერისა“ და MY.GE-ს თანამშრომლობის ფარგლებში, სტარტაპერები შემდეგი მომსახურებით შეძლებენ სარგებლობას:

•               საქართველოში ყველაზე დიდ ონლაინ მარკეტში საკუთარი პროდუქციის განთავსება;

•               გამართული და სტაბილური გაყიდვების არხი, რომელიც მოიცავს საკურიერო მომსახურებას მთელი საქართველოს მასშტაბით;

•               ონლაინ გადახდები და განვადება;

•               კონსულტაცია მარკეტინგულ კომუნიკაციაში;

•               ტრენინგები რეგიონებში მოქმედი სტარტაპერებისთვის და სპეციალურად მათთვის დაგეგმილი აქტივობები;

•               დამატებითი ფინანსური რესურსების მოსაზიდად, სპეციალურად ინვესტორებისთვის შექმნილ გვერდზე სტარტაპერების შესახებ ინფორმაციის განთავსება;

•               ბრენდირებული ვებ-გვერდი, პრაქტიკულად ნულოვანი დანახარჯებით.

სტარტაპ მარკეტი აპრილიდან ამოქმედდება, სტარტაპერები კი Mystartup.ge-ზე რეგისტაციას 7 თებერვლიდან შეძლებენ.

Mystartup.ge-ს შესახებ დეტალური ინფორმაციის მიღება შესაძლებელია ბმულზე: http://www.mystartup.ge/ .

 MY.GE 2002 წელს შეიქმნა და მას ყოველთვურად 2.2 მილიონი ვიზიტორი ჰყავს. MY.GE ამ ეტაპზე 8 ვებ-გვერდს აერთიანებს: Mymarket, Myauto, Myhome.Myparts, Myshop, Myads, Myjobs, Mysports.