თბილისი (GBC) - 2019 წელი მიკროსაფინანსო სექტორმა 112 123 ლარის მოგებით დაასრულა. ბოლო რამდენიმე კვარტლის განმავლობაში კი სექტორს ათეულობით მილიონი ლარის ზარალი უფიქსირდებოდა. 2019 წელსვე ბაზარზე მოქმედი მისოების რაოდენობა 19-ით. 

მიკროსაფინანსო სექტორის წმინდა მოგება წლების მიხედვით შემდეგი იყო: 

• 2019 წელი - 112 ათასი ლარი 

• 2018 წელი - 31.1 მლნ ლარი 

• 2017 წელი - 44.5 მლნ ლარი

• 2016 წელი - 151.8 მლნ ლარი 

• 2015 წელი - 124.2 მლნ ლარი 

• 2014 წელი - 79,8 მლნ ლარი 

• 2013 წელი -  61.9 მლნ ლარი

2019 წლის ბოლოს საქართველოში 48 მიკროსაფინანსო ორგანიზაცია ოპერირებდა, მათგან 42-ის ფინანსური ანგარიში საჯაროდ გამოქვეყნებულია და ამ მონაცემების მიხედვით, 2019 წელი ზარალით 12-მა მისომ დაასრულა,  12 კომპანიის ზარალი >16 მილიონ ლარია. 

ზარალიანი მიკროსაფინანსო ორგანიზაციები (2019 წ. IV კვ.)

•               4Finance – 6.1 მლნ ლარი

•               ბანი კრედიტი - 1.5 მლნ

•               ქრიმ ფაინანს ჯორჯია - 3.6 მლნ

•               თბილმიკროკრედიტი - 2.5 მლნ

•               ლიდერ კრედიტი - 897 000

•               სიტი კრედიტი - 692 000

მომგებიანებში ყველაზე დიდი წილი მხოლოდ 1 -ზე "რიკო კრედიტზე" - 38.8 მილიონი ლარი, - შედარებისთვის მოგებით მეორე ადგილზე 2019 წლის ბოლოს კრისტალი იყო 5.6 მილიონი ლარით, კომპანიის უმრავლესობის შემთხვევაში კი მოგება მილიონ ლარს არ სცდება.

მოგებიანი მიკროსაფინანსო ორგანიზაციები (2019 წ. IV კვ.)

•               რიკო კრედიტი - 38.8 მლნ ლარი

•               კრისტალი - 5.9 მლნ ლარი

•               სვის კაპიტალი - 3.6 მლნ ლარი

•               მიკრო ბიზნეს კაპიტალი - მოგება 2.8 მლნ

•               კრედიტსერვისი+ - 2.2 მლნ

დღეს 15 მიკროსაფინანსო ორგანიზაციაა ლიკვიდაციის პროცესში. მათგან 6 ლიკვიდაციის რეჟიმში 2019 წელს გადავიდა, წლის დასაწყისიდან სიას კიდევ 2 მისო დაემატა, ხოლო დანარჩენი კომპანიების ლიკვიდაცია 2018 წელს დაიწყო.

შემცირდა სექტორის მთლიანი  აქტივების მოცულობაც და მან გასული წლის ბოლოს 1.3 მილიარდი ლარი შეადგინა, ნაცვლად ერთი წლით ადრე არსებული 1.4 მლრდ -ის.  სექტორს 1.2 მლრდ ლარზე მეტი მოცულობის სესხი აქვს გაცემული, აქედან ყველაზე დიდი წილი კი ფიზიკურ პირებზე მოდის.