თბილისი (GBC) - იანვარში ესკოს საბალანსო ელექტროენერგიის შეძენა 43.97 მლნ ლარი დაუჯდა.

კომპანიამ იანვარში 301 280 467.8 კვტ.სთ საბალანსო ელექტროენერგია შეიძინა, რაც მთლიანი მიწოდების 25%-ი იყო.

იანვარში საბალანსო ელექტროენერგიის საშუალო შეწონილმა ფასმა ერთ კილოვატ საათზე 14.5868671 თეთრი შეადგინა, ხოლო დერეგულირებული ელექტროსადგურების საბალანსო ელექტროენერგიის ფასმა კი - 12.304 თეთრი.

საბალანსო ელექტროენერგიის უმეტესი ნაწილი - 71% იმპორტია, 22%-ია ჰესების წილი, ქარის ელექტროსადგიურებმა საბალანსო ელექტროენერგიის 3% გამოიმუშავეს, თბოსადგურებმა - 4%.

2020 წლის იანვრის თვეში ესკო-დან საბალანსო ელექტროენერგიის შესყიდვა განახორციელეს გამანაწილებელმა ენერგოკომპანიებმა და პირდაპირმა მომხმარებლებმა. მათი წილობრივი მონაწილეობა საბალანსო ელექტროენერგიის შესყიდვაში, შესაბამისად, 34.9% და 37.0% შეადგენს.