თბილისი (GBC) -საქართველოში ოფიციალური მონაცემებით ღვინოს 420 კომპანია აწარმოებს და მათი უმეტესობა მცირე ზომისაა. TBC-ის ღვინის ბაზრის კვლევაში აღნიშნულია, რომ ქვეყანაში ღვინის წარმოების მესამედი არაფორმალურია და მცირე მევენახეებზე მოდის.

კვლევის ავტორები ელიან, რომ არაფორმალური ბაზრის წილი მომავალში შემცირდება.

„მზარდი ურბანიზაცია ამ პროცესს ხელს შეუწყობს. ამასთან, ღვინის არაფორმალური მწარმოებლებიმ, შესაძლოა გახდნენ ოფიციალური მწარმოებლებისთვის ყურძნის მიმწოდებლებად, ან თავად შექმნან წარმოებები“, - ვკითხულობთ კვლევაში.

გასულ წელს ქართული ღვინის ექსპორტი 13%-ით გაიზარდა. თანხობრივად ქვეყნიდან 223 მლნ დოლარის ღვინო გავიდა, რაც მთლიანი ექსპორტის 5.9%-ია. ქვეყნის მთლიანი ღვინის ექსპორტის 60% რუსეთზე მოდიოდა.