თბილისი (GBC) – TBC Bank - ის გენერალური დირექტორის, ვახტანგ ბუცხრიკიძის განცხადებით,უზბეკეთის ბაზარზე იანვარში მიღებული წინასწარი საბანკო ლიცენზიის შემდეგ, სრულყოფილ ნებართვას და  გააქტიურებს ზაფხულში ელის.

პირველადი ფოკუსი, როგორც გაცხადებული იყო, ციფრულ არხებზეა,  მათ შორის, მათ ნეობანკზე - Space,. ბუცხრიკიძის განცხადებით, გეგმავენ ძალების გაერთიანებას საერთაშორისო საფინანსო ინსტიტუტებთან და ადგილობრივ პარტნიორთან. გეგმით გათვალისწინებულია მინიმუმ 51%-იანი წილის ფლობა.

მისივე თქმით, უკვე უზრუნველყვეს ინტერესი EBRD-სა და IFC– სგან და ასევე, მიაღწიეს შეთანხმებას ძირითად პირობებზე უზბეკ – ომანის საინვესტიციო კომპანიასთან.

მისივე ინფორმაციით, ყველა აქციონერის ჯამური ინვესტიციაა $40 მილიონი, ორ ეტაპად - $12 მილიონი ლიცენზიის მოპოვებამდე და $28 მილიონი ლიზნეციის მოპოვების შემდგომ.

უზბეკეთის ბაზარზე ჯერ სამომხმარებლო სესხებს, ავტოსესხებს, დეპოზიტებს და მიმდინარე ანგარიშებს შესთავაზებენ, მოგვიანებით კი იპოთეკურ და მიკრო, მცირე და საშუალო მეწარმეების სესხებს შესთავაზებენ.