თბილისი (GBC) – TBC Bank-ის გენერალური დირექტორი, ვახტანგ ბუცხრიკიძე უზბეკეთის ბაზარზე Payme-ს (გადახდების პლატფორმა) მზარდ მაჩვენებლებზე აცხადებს.  2019-ში შემოსავლები 84%-ით 8.6 მილიონ ლარამდე გაიზარდა,  EBITDA-მ 4.5 მილიონ ლარს მიაღწია, წლიური ზრდით (YoY) 76.9%. ტრანზაციების რაოდენობა 24.5%-ით გაზრდილია (YoY), 40.1 მილიონამდე.

Payme უკვე 1.772 მილიონ მომხმარებელს ემსახურება, მაშინ როდესაც TBC-ის მიერ მისი შეძენის მომენტში (04/19), პლატფორმას 1.3 მილიონი რეგისტრირებული მომხმარებელი ჰყავდა.

51%-იანი წილის სანაცვლოდ TBC-მ პლატფორმაში 2019 წელს $5.5 მილიონის ინვესტიცია განახორციელა.

ტრადიციულ სერვისებთან ერთად ( კომუნალური, სესხის გადახდები, კომერციული შენაძენები ...). Payme-ს ახალი აპლიკაცია Payme 2.0 შეიქმნა და გასული წლის ივლისში ბეტა ვერსია გაეშვა განახლებული ინტერფეისის დიზაინითადა ახალი შესაძლებლობებით.

ბანკის გათვლებით, Payme-ს შემოსავლები 2020 წელს 43%-ით 12.3 მილიონ ლარამდე გაიზრდება, რეგისტრირებული მომხმარებლების რაოდენობა 2.8 მილიონამდე, ტრანზაქციების რაოდენობა კი 52.5 მილიონამდე გაიზრდება. 

TBC-ის განცხადებით, ბიზნესი მდგრადია და ქმნის პოზიტიურ ქეშფლოუს.