თბილისი (GBC) - "მივესალმებით ეროვნული ბანკის გადაწყვეტილებას. ამით მეტ მოქნილობას შევიძენთ, რაც მომხმარებლისთვის უფრო მარტივს გახდის ბანკთან ურთიერთობას. სებ-ის ეს გადაწყვეტილება ასევე არის პროგრესული ნაბიჯი პრინციპებზე დამყარებული ზედამხედველობის დანერგვის კუთხით“, - საქართველოს ბანკის დირექტორის მოადგილე სულხან გვალია დაკრედიტების ხელმისაწვდომობის ზრდის სებ-ის გადაწყვეტილებას აფასებს.

სებ-ის ახლადგაცხადებული ცვლილებებით, გადახდისუნარიან მოსახლეობას  სესხის აღება უმარტივდება. ბანკს საშუალება მიეცა,  მსესხებლის რისკიანობა შიდა პროცედურებით შეაფასოს.

მარტივდება შემოსავლების შესწავლის კოეფიციენტები, რასაც ბაზარი, რეგულაციების შემოღებისას ყველა კრიტიკულად შეხვდა. იპოთეკურზე საზღვარგარეთ მიღებული შემოსავლის მქონე მსესხებელს  უზრუნველყოფა 60%-დან 70%-მდე შეუმსუბუქდა.