თბილისი (GBC) - საქართველო ბიოლოგიური საფრთხეებისადმი მზაობის ინდექსით მსოფლიოს 195 ქვეყნიდან 42-ე ადგილს იკავებს.

გლობალური ჯანმრთელობის დაცვის ინდექსის(GHS) მიხედვით, მსოფლიოს მზაობა ეპიდემიებისა და პანდემიების მიმართ დაბალია (საშუალო ქულა 40.2-ია 100 მაქსიმალურიდან). საქართველოს მზაობა (52.0 ქულა) მაღალშემოსავლიანი ქვეყნების საშუალო მაჩვენებელს (51.9) უტოლდება. 

ინდექსის მიხედვით, ბიოლოგიური საფრთხეების მიმართ ყველაზე მაღალი მზაობა მსოფლიოში აშშ-ს, დიდ ბრიტანეთსა და ჰოლანდიას აქვს.

რეგიონის ქვეყნებიდან:

თურქეთი 40-ე

საქართველო -42

სომხეთი -44,

რუსეთი - 63

აზერბაიჯანი - 117

ინდექსი შემდეგი კრიტერიუმით დგება - პრევენცია; აღმოჩენა და აღრიცხვა, რეაგირების სისწრაფე, ჯანდაცვის სისტემა, საერთაშორისო ნორმებთან შესაბამისობა, რისკიანი გარემო. აქედან 2019 წლის ინდექსით, საქართველოს საუკეთესო შედეგი აღმოჩენისა და აღრიცხვის კრიტერიუმში აქვს - 22-ე ადგილი 195 ქვეყანას შორის