საქართველოს ბანკმა ლარის 3 წლიანი ბონდები (განაკვეთი 11%) 2017 წელს გამოუშვა, რაც ლარიზაციის კამპანიის და კაპიტალის ბაზრის განვითარების მნიშვნელოვან მოვლენად შეფასდა. ემიტენტს ისტორიული დღე ეროვნული ბანკის პრეზიდენტმაც მიულოცა. საქართველოს ბანკი პირველი ემიტენტია კომერციულ ბანკებში (ლარიხ პირველი ემისია საერთაშორისო საფინანსო ინტოტუტებიდან EBRD -მა განახორციელა).

სისტემურმა საქართველოს ბანკმა მოზიდული 500 მილიონი ლარის რესურსი ბიზნესის დასაფინანსებლად მიმართა და პანდემია რომ არა, რასაც ინვესტორების უმადობა ახლავს, რეფინანსირებას მიმართავდა. რა მოლოდინიც აქვს ექსპერტებს. ბანკი შესაძლებლობის გაჩენისთანავე კვლავ ფულის მოზიდვას შეეცდება.

მაისში კი 500 მლნ ლარი უნდა დააბრუნოს. ინვესტორმა კი დოლარში გადაიტანოს, რის გამოც ბაზარზე დამატებითი დოლარის მიწოდების საჭიროება გაჩნდა. ამის შესახებ სებ-ის პრეზიდენტმა ფინანსური სტაბილურობის კომიტეტის ანგარიშის წარდგენისას განაცხადა ონლაინ ფორმატში.

კობა გვენეტაძეს ინფლაციის მოლოდინებზე, ლარის კურსზე, დაკრედიტების მოსალოდნელ ტრენდზე და ასევე სავალუტო რეზერვების ხარჯვის მიზანშეწონილობაზე ჰკითხეს. სებ-ს $150 მლნ -ზე მეტი აქვს გაყიდული და სავალუტო ბაზარზე გააქტიურება აქვს დაანონსებული აღნიშნული მიზეზით.