თბილისი (GBC) - სებ-ის პრეზიდენტს წლიური ანგარიშით (2019) წარდგენისას კითხვა მხოლოდ პაატა კვიჟინაძემ დაუსვა, ისიც არარელევანტური, ლარის კურსის მოსალოდნელ ტრაექტორიაზე,

რაზეც კობა გვენეტაძე რ პასუხობს ხოლმე, მაგრამ პანდემიის კრიზისის გაურკვევლობა გაითვალისწინა და უპასუხა, რომ პოზიტიური მოლოდინები აქვს, რადგან სავალუტო ბაზარზე სებ-მა ნდობის ელემენტები შეიტანა.

საფინანსო ბაზრის ზედამხედველი, ინტერვენციების და აუქციონების გარდა, პირდაპირ სავალუტო ვაჭრობებშიც ჩარეულია, რაც ბაზარს ქაოსისგან იცავს. (თემურ გოცირიძემაც ჰკითხა, თუმცა იგივე საკითხზე, რაზეც სებ-ის პრეზიდენტმა ისაუბრა).

კობა გვენეტაძემ პანდემიის გამოწვევის მიმართ საქართველოს საბანკო სისტემის მაღალ იმუნიტეტზე აღნიშნა, სებ-ის დამსახურებით. ამასთან საკრედიტო აქტივობის გარდაუვალ შემცირების მოლოდინზე განაცხადა. თუმცა სექტორის სიჯანსაღე შენარჩუნდება და ეკონომიკის გამწევ ძალას შეინარჩუნებს.

სებ-ის პრეზიდენტმა 2020-ის საქართველოს -4% პროგნიზი გლობალურ - 5.9%-ს შეადარა, რომელიც განახლებამდე -3% იყო. მიაჩნია, რომ გლობალურისგან განსხვავებით საქართველოს პროგნოზი უფრო რეალისტურია. ის, ამ სიტუაციაში, ცდომილებას უშვებს, თუმცა სხვა თანაბარ პირობებში -4%-ს ძაან არ დაშორდება. პოზიტიური მოლოდინს ფულადი გზავნილების ივლისის დადებითი დინამიკაც უმყარებს.