თბილისი (GBC) - ნავთობისა და გაზის სახელმწიფო სააგენტო საერთაშორისო არბიტრაჟის დასკვნის გასაჯაროებაზე ფრონტერას გადაწყვეტილებას მიესალმება. როგორც უწყების გავრცელებულ განცხადებაში ვკითხულობთ, სააგენტო ოფიციალურად იწვევს შეხვედრაზე მის ხელმძღვანელობას, რათა უახლოეს დღეებში, საქმიან ვითარებაში განიხილონ როგორც გადაწყვეტილების ერთობლივად გასაჯაროების პირობები და ვადები, ასევე, მათ მიერ არბიტრაჟის გადაწყვეტილების ნებაყოფლობითი აღსრულების ფარგლებში დაბრუნებულ ტერიტორიებთან დაკავშირებული ქონებრივი და სხვა პროცედურული საკითხები, აგრეთვე მათ სარგებლობაში დარჩენილ ტერიტორიაზე არსებული მდგომარეობა და მუშა-მოსამსახურეებისთვის არსებული დავალიანების დაფარვის ვადები.