თბილისი (GBC) - ნაძალადევის რაიონში, ზღვის უბნის IV მიკრორაიონის V კორპუსის მიმდებარედ ავტოსადგომად გადაქცეულ ტერიტორიაზე სკვერი მოეწყო. დასასვენებელი სივრცის ფართობი 2 215 კვ.მ-ია.

დამონტაჟდა საბავშვო გასართობი ატრაქციონები, დასასვენებელი პავილიონი, მოეწყო სარწყავი სისტემა, გარე განათების ქსელი, ბალახის საფარი, ბორდიური და საპარკე ინფრასტრუქტურა. ასევე, შესრულდა გამწვანების სამუშაოები და ტერიტორია დეკორატიული ფილებით მოპირკეთდა.

სკვერის სარეაბილიტაციო სამუშაოებისთვის ნაძალადევის რაიონის გამგეობამ 217 546 ლარი დახარჯა.