თბილისი (GBC) - სადაზღვევი კომპანია „არდი - დაზღვევას“ მოგება შეუმცირდა. კომპანიის ფინანსური ანგარიშის მიხედვით, არდიმ 2020 წლის პირველ ნახევარში 23 000 ლარის მოგება მიიღო, 2019 წლის ანალოგიურ პერიოდში - 103 000 ლარი.

საანგარიშო პერიოდში კომპანიამ 29  მლნ ლარის პრემია მოიზიდა და 16,5 მლნ. ლარის ზარალი აანაზღაურა.

„არდის“ ამ პერიოდში 63 689 ჯანმრთელობის დაზღვევის პოლისი აქვს გაყიდული, მოზიდული პრემიების მოცულობა 20,9 მლნ ლარია, ანაზღაურებული ზარალი - 11,8 მლნ ლარი.

სხვა სადაზღვევო პროდუქტების მონაცემები ასე გამოიყურება:

ავტოდაზღვევა  -   პოლისების რაოდენობა - 422,  მოზიდული პრემია - 2 მლნ. ლარი,  ანაზღაურებული ზარალი - 1,6 მლნ. ლარი;

სახმელეთო ტრანსპორტის გამოყენებასთან დაკავშირებული სამოქალაქო პასუხისმგებლობის დაზღვევა -   პოლისების რაოდენობა - 32 147, მოზიდული პრემია - 951 676 ლარი,  ზარალი - 165,2 ლარი;

ქონების დაზღვევა - პოლისების რაოდენობა - 5 658, მოზიდული პრემია 1,7 მლნ., ზარალი - 459  513 ლარი;

ვალდებულებათა შესრულების დაზღვევა, გაცემული პოლისების რაოდენობა  1176,  მოზიდული პრემია 1,6 მლნ. ლარი, ანაზღაურებული ზარალი - 1,8 მლნ. ლარი;

სამოქალაქო პასუხისმგებლობის დაზღვევა  - გაცემული პოლისები - 1438, მოზიდული პრემია - 839 804 ლარი,  ანაზღაურებული ზარალი - 0.