თბილისი (GBC) - ბოლო წლების მანძილზე რუსეთის წილი უცხოეთიდან საქართველოში ფულადი გზავნილების მთლიან მოცულობაში განუხრალად მცირდება.

მიზეზები ძირითად არის ქართველი ემიგრანტების ნაკადის გადართვა ევროპაზე, ასევე თავად რუსეთში მუდმივი ეკონომიკური არასტაბილურობა.

ბოლო მონაცემებით, 2020 წლის 10-16 აგვისტოს პერიოდში რუსეთიდან გზავნილების მაჩვენებელი 14%-ით შემცირდა.

2008 წელს გზავნილების მთლიან მოცულობაში რუსეთზე  63,3% მოდიოდა.

2009 წლიდან დაიწყო და დღესაც გრძელდება კლება - 2009 წელს რუსეთის წილი გზავნილებში 53,5% იყო, 2010-ში - 52,8%, 2011-ში - 51,7%,  2012-ში - 56%,  2013-ში  - 54,3%, 2014-ში  - 49,2%,  2015-ში - 45,3%, 2017-ში - 33%.

დრამატული ვარდნა 2019 წელს დაიწყო, და ის ევროკავშირთან უვიზო მიმოსვლასთანაა დაკავშირებული, რის გამოც ევროკავშისი წილის 28%-დან 39%-მდე გაიზარდა, რუსეთის - 25%-მდე დაეცა.

2020 წლის პირველ ნახევარში, თვეებს შორის მცირე განსხვავების მიუხედავად, რუსეთის წილი საშუალოდ 21-22%.

რუსეთი მაინც დონორ-ქვეყნებს შორის პირველ ადგილზეა, თუმცა, უკვე არ დომინირებს.