თბილისი (GBC) - საქართველოში სასტურმოებში 2019 წელს მუშაობდა 20 575 ადამიანი, რაც თითქმის 1300-ით აღემატება 2018 წლის მაჩვენებელს (19 300), – იტყობინება საქსტატი.

2019 წელს საქართველოს სასტუმროები და სასტუმროს ტიპის დაწესებულებები 4 მლნ. სტუმარს მოემსახურა, ეს 9.5%-ით მეტი წინა წლის მაჩვენებელთან შედარებით.

სტუმართა 71.5%  უცხოელები იყვნენ, მათგან 18.5% რუსეთის ფედერაციის მოქალაქეები იყვნენ, რაც 2018 წლის შესაბამის მაჩვენებელს 2.5% აღემატება.

ევროკავშირის ქვეყნებიდან შემოსულ სტუმართა უმეტესობას გერმანიის (3.3%) მოქალაქეები შეადგენდნენ, ხოლო სხვა ქვეყნებიდან შემოსულ სტუმართა უდიდესი წილი ისრაელისა (12.4%) და თურქეთის (9.7%) მოქალაქეებს ეკავათ.