თბილისი (GBC) - ბოლო წლებში საქართველოში ბევრს საუბრობენ მცირე და საშუალო ბიზნესის განვითარების აუცილებლობაზე, და ზოგადად დამკვიდრებულია აზრი, რომ ქვეყანაში ძირითადი დამსაქმებელი მსხვილი ბიზნესია, მაშინ, როდესაც ევროპაში პირიქით, მსხვილ კომპანიებში დასაქმებულთა მცირე ნაწილი მუშაობს.

თუმცა, სტატისტიკური ინფორმაცია სულ სხვა რეალობაზე მიანიშნებს.

საქართველოში ოფიციალურ სექტორში დასაქმებულთა 41,4% მსხვილ კომპანიებში მუშაობს, 22,5% საშუალო ბიზნესში, 36,1%  - მცირეში.

ეს თითქმის არ განსხვავდება საშუალო ევროპული მაჩვენებლებისგან - კერძოდ, მსხვილ ბიზნესში 44% მუშაობს, 19% - საშუალოში, 41% მცირეში.

შესაბამისად, დაქირავებულ თანამშომლეთა განაწილების მხრივ საქართველოში ვითარება საერთოევროპულისგან თითქმის არ განსხვავდება.

Q2/2020 -ის მდგომარეობით, 728 437 კომპანიაა დარეგისტრირებული, მათ შორის მოქმედია 185 790.