თბილისი (GBC) - საქართველოში ხელფასის მიმღებთა რაოდენობა 20209 წლის აგვისტოში წინა წლის ანალოგიურ პერიოდთან შედარებით 1%-ით შემცირდა.

თუმცა, შემოსავლების სხვადასხვა კატეგორიებში ხელფასის ცვლილება განსხვავებულია  - კერძოდ, ყველაზე მნიშვნელოვანი შეცმირება დაფიქირდა 1200 ლარამდე ხელფასის კატეგორიაში (-3%).

ნაკლებია ვარდნა მაღალი ხელფასები კატეგორიაში - თვეში 3600 ლარზე მეტი  - ამ კატეგორიაში კლებამ 0,4% შეადგინა.

კატეგორიაში 1200-დან 3600 ლარამდე ხელფასის მიღმებთა რაოდენობა პირიქით, 2%-ით გაიზრდა.

ბოლო თვეების მანძილზე ამ მხრივ ასევე განსხვავებული ტენდენციებია  - 1200 ლარამდე ხელფასის კატეგორიაში ივლისში ვარდნა გაცილებით მეტი იყო   - 6%, ხოლო ივნისში 8%. ამ კატეგორიაში ყველაზე მაღალი ვარდნა მაისში დაფიქსირდა - 12%.

1200-3600 ლარის ხელფასების კატერორიაში პირიქით, ბოლო თვეების მანძილზე ზრდა შეინიშნებოდა  - ივნისში 5%, ივლისში 4%.

3600 ლარზე მეტი ხელფასების მიმღებთა რაოდენობა 3-თვიანი ვარდნის შემდეგ ივლისში 2%-ით გაიზარდა, ხოლო აგვისტოში ისევ, ამჟერად 0,4%-ით შემცირდა.

თუ გავითვალისწინებთ, რომ 1200 ლარამდე ხელფასს იღებს ოფიციალურად დასაქმებულთა 63%, 1200-დან 3600 ლარამდე - 30%, ხოლო 3600-ს და მეტს - 7%, გამოდის, რომ პირველ კატეგორიაში ვარდნა ეკონომოკური ვითარების გაუარესებაზე უფრო მეტყველებს, ვირდე მეორე კატეგორიაში ზრდა  - აღდგენაზე.