თბილისი (GBC) - კავკასუს ონლაინი“ და Tik Tok – ანუ რა ხდება აშშ-ში, როცა სახელმწიფო ბიზნესს ავიწროვებს (ლევან ალაფიშვილის მიმოხილვა)

კონსტიტუციონალისტი ლევან ალაფიშვილი ამერიკაში ტიკ ტოკის საქმიანობის შეჩერების გადაწყვეტილების შესახებ წერს:

„ტრამპის ადმინისტრაციის გადაწყვეტილება #tiktok საქმიანობის შეჩერების შესახებ კოლუმბიის ოლქის მოსამართლემ 2 დღის წინ შეაჩერა.

მოსამართლის გადაწყვეტილების ერთ-ერთი საფუძველი კონსტიტუციით დაცული ადმინისტრაციული წარმოების, გასაჩივრებისა და სასამართლოში საქმის არსებითად განხილვის უფლებების დარღვევა იყო.

პრეზიდენტის ადმინისტრაციის გადაწყვეტილების აღსრულების შემთხვევაში #tiktok -ს მიერ დავის წარმოება უკვე აზრს კარგავდა რადგან პრეზიდენტის ადმინისტრაციის გადაწყვეტილება უკვე აღსრულებული იქნებოდა და საქმიანობა გაჩერებული.

სწორედ ასეთივე ანტიკონსტიტუციური რეგულაცია ჩაწერა ჩვენმა პარლამენტმა კომუნიკაციების კანონში, რითაც ოპერატორებს და უმთავრესად #კავკასუსონლაინი -ს კომისიის მიერ სანქციის გამოყენებისას არ ექნებათ სასამართლოში დავის არსებითი განხილვის საშუალება“, – წერს ლევან ალაფიშვილი.