თბილისი (GBC) - 2020 წლის იანვარ-სექტემბერში საქართველოდან განხორციელებული საქონლის ექსპორტის მოცულობამ 2, 4 მლრდ. აშშ დოლარი შეადგინა, რაც 12.1%-ით ნაკლებია გასული წლის შესაბამისი პერიოდის მაჩვენებელზე.

ექსპორტი რეექსპორტის გარეშე (ადგილობრივი ექსპორტი), მთლიანი ექსპორტის 71.6%-ს  შეადგენს. აღნიშნული მაჩვენებელი წინა წლის შესაბამის პერიოდთან შედარებით 2.8%-ით გაიზარდა და 1, 7 მლრდ.  დოლარს გაუტოლდა.

აღსანიშნავია, რომ ეს ადგილორბივი ექსპორტის და მთლიანის ექსპორტის საუკეთესო შეფარდებაა 2017 წლის შემდეგ, თუმცა, ამავე დროს ეს მაჩვენებელი 2015 წლის დონეს უტოლდება.

კერძოდ, 2015 წლი იანვარ-სექტემბერში მთლიანი ექსპორტის 71,2% ადგილობრივ ექსპოტრზე მოდიოდა, 2016 წელს  77,4%, 2017-ში - 75,7%.

ადგილობრივი ექსპორტის კლება 2018 წელს გაიწყო - 67,5%, ხოლო 2019 წელს ბოლო წლების მინიმუმს მიაღწია  - 61,2%.

საყურადღებოა, რომ ადგილობრივი ექსპორტის დაბალი წილი მთლიანი ექსპორტის სიმცირეზე არ მეტყველებს - მაგალითად, 2019 წლის საანგარიშო პერიოდში, როდესაც ადგილობრივი ექსპორტის წილი მინიმუმამდე  - 61,2%-მდე დაეცა, მთლიანმა ექსპორტმა 2,7 მლრდ.  დოლარი შეადგინა, მაშინ, როდესაც 2016 წლის ანალოგიურ პერიოდში ადგილობრიბი ექსპორტის წილი მაქსიმუმზე იყო  - 77,4%, თუმცა, მთლიანი ექსპორტი - გაცილებით ნაკლები - მხოლოდ 1,5 მლრდ. დოლარი.