თბილისი(GBC) - ეკონომიკური აქტიურობის შენელების მიუხედავად, მშენელბლობის ნებართვების გაცემა სტაბლურად იზრდება - კერძოდ, 2020 წლის 9 თვის მანძილზე თბილისში საცხოვრებელი ფართების მშენებლობის 149 ნებართვა გაიცა - ნათქვამია თი-ბი-სი-კაპიტალის კვლევაში. 

ახალი პროექტების მთლიანი ფართობი 690 000 კვ.მ იქნება, რაც 2019 წლის ანალოგიურ პერიოდში გაცემული ნებართვების მაჩვენებელს 2%-ით აღემატება.

ყველაზე მეტი სამშენებლო ნებართვა გაიცა რაიონებში, სადაც ყველაზე მეტი გაყდვები დაფისქირდა - 2020 წლის 9 თვის მანძილზე სამშენებლო ნებართვებს შორის 55% მოდის დიდ დიღომზე, საბურთალოზე, და გლდანზე.

თუმცა, მთლიანობაში 2020 წლის  9 თვის მანძილზე ბინების გაყიდვები 2019 წლის ანალოგიურ პერიოდთან შედარებით ყველა რაიონში შემცირდა - განსაკუთრებით დაზარალდა ჩუღურეთი (-43%), საბურთალო (-40%) და მთაწმინდა (-39%).

გლდანში წინა წლის ანალოგიურ პერიოდთან შედარებით ბინების გაყიდვები 11%-ით შემცირდა, სამგორში - 21%.

თუმცა,  უფრო მასშტაბური ვარდნის მიუხედავად, საბურთალო, დიდი დიღომი, და მთაწმინდა ბინების გაყიდვების კუთხით ლიდერობას მაინც ინარჩუნებენ - მათზე თბილისში გაყიდული ბინების 34% მოდის.