თბილისი (GBC) - ჩინეთი და აზიის კიდევ 14 სახელმწიფო თავისუფალი ვაჭრობის შესახებ მსოფლიოში უმსხვილეს შეთანხმებას გააფორმებენ. სააგენტო Bloomberg-ის ცნობით, მხარეები 12–15 ნოემბერს ჩანიშნულ სამიტზე გააფომებენ აღნიშნულ შეთანხმებას.

შეთანხმებას უერთდებიან სახელმწიფოები იაპონიიდან ავსტრალიასა და ახალ ზელანდიამდე, რომელთა მოსახლეობის ჯამური რაოდენობა 2,2 მლრდ–ს შეადგენს.

შეთანხმების მიზანია, სავაჭრო ტარიფების შემცირება, მიწოდების ჯაჭვის განვითარება და ელექტრონული ვაჭრობის ახალი წესების სისტემატიზაცია.

აზიის ქვეყნებს შორის ასეთი შეთანხმების გაფორმება არასახარბიელო მდგომარეობაში ჩააყენებს ზოგიერთ ამერიკულ კომპანიას და სხვა ტრანსნაციონალურ კორპორაციებს, რომლებიც თავისუფალი ვაჭრობის ზონის მიღმა ოპერირებენ. ეს განსაკუთრებით საგრძნობი იქნება პრეზიდენტ დონალდ ტრამპის მიერ 2017 წელს ხელმოწერილი მემორანდუმის გამო, ვაშინგტონის ტრანსწყნარიოკეანის პარტნიორობიდან გასვლასთან დაკავშირებით.