თბილისი (GBC) - „ტოიოტა ცენტრი ბათუმის“ რეგიონალური ცენტრი ავტოსერვისის მიმართულებით სრული დატვირთვით მუშაობს. ქვეყანაში ეპიდვითარებასთან არსებული რეგულაციებიდან გამომდინარე ავტომობილების შეძენა დისტანციურად ხდება. მომხმარებელს შეუძლია ონლაინ კატალოგის მეშვეობით შეარჩიოს სასურველი ავტომობილი, ხოლო ცენტრი უზრუნველყოფს სასურველ ადგილზე ავტომობილის მიწოდებას. 

„ტოიოტა ცენტრ ბათუმში“ დისტანციურად შესაძლებელია ტოიოტას ორიგინალი ნაწილების შეძენა 15% ფასდაკლებით. ზამთრის ორიგინალ აქსესუარებზე 25%-მდე ფასდაკლება ვრცელდება. აქციები მიმდინარეობს 2015 წლამდე გამოშვებული ავტომობილებისთვისაც, რომლებიც 20% ფასდაკლებას მიიღებენ ორიგინალ ზეთზე, ზეთის ფილტრსა და ზეთის შეცვლის სერვისზე.

„ტოიოტა“ ერთ-ერთი ყველაზე წარმატებული ბრენდია მსოფლიოში, რომელიც გამოირჩევა ყველაზე დიდი და მზარდი წილით საცალო და კორპორატიულ სექტორში.

„ტოიოტა ცენტრი ბათუმი“ „თეგეტა მოტორსის“ შვილობილ კომპანიებს შორის რიგით მეორე „ტოიოტას“ ავტორიზებული ცენტრია „ტოიოტა ცენტრი თეგეტას“  შემდეგ, რომელიც 2014 წლიდან წარმოადგენს „ტოიოტა კავკასიას“ ოფიციალურ დილერს საქართველოში.

„ტოიოტა ცენტრი ბათუმის“ ყველა თანამშრომელი ტოიოტას საერთაშორისო სტანდარტების შესაბამისად გადამზადდა. სერვისცენტრი აღჭურვილია უახლესი მანქანა-დანადგარებით და ავტორიზებული პროგრამებით.