თბილისი (GBC) - ბანკებმა მთელ მსოფლიოში, ბოლო 5 წლის განმავლობაში, რეკორდულად შეამცირეს სამუშაო ადგილები, რაც დარგში კორონავირუსის პანდემიის გამო გამძაფრებულ კრიზისს უკავშირდება, წერს სააგენტო Bloomberg.

ნიდერლანდური ABN Amro Bank NV და ესპანური Banco de Sabadell SA სამსახურიდან 4 600 ადამიანის გაშვებას აპირებენ. ბანკების თანამშრომლების შემცირება ჯამში 85 540 ადამიანს შეეხება. ეს ყველაზე დიდი მაჩვენებელია 2015 წლის შემდეგ, როდესაც სამსახური ბანკების 91 448 თანამშრომელმა დაკარგა.

კრედიტორები რეკორდულად დაბალი საპროცენტო განაკვეთების წინაშე აღმოჩნდნენ. ევროპულ ბანკებს დამატებითი პრობლემებიც შეექმნათ, სადაც შრომის დაცვა უფრო მკაცრია, ვიდრე სხვა ქვეყნებში. სააგენტოს ცნობით, შემცირებები რამდენიმე წელს გაგრძელდება.