თბილისი (GBC) - დღეს, საქართველოს ეროვნული ბანკის კორპორატიული მართვის კოდექსში გარკვეული ცვლილებების გამოქვეყნების შემდეგ, TBC Bank Group PLC– ის დირექტორთა საბჭომ კიდევ ერთხელ დაადასტურა გადაწყვეტილება შეინარჩუნოს ე.წ „ბორდის მირორინგის“ მმართველობითი სტრუქტურა, რომელიც 2019 წლის 13 აგვისტოს შემოიღეს და რომლის თანახმადაც, TBC PLC და TBC ბანკის საბჭოს სტრუქტურის ძირითადი ასპექტები გაერთიანებულია.

საბჭო კვლავ ფიქრობს, რომ ეს სტრუქტურა ყველაზე შესაფერისი მიდგომაა TBC ჯგუფში ეფექტური მმართველობის უზრუნველსაყოფად.

კერძოდ, ამ სტრუქტურის მიხედვით, TBC PLC საბჭოს და ბანკის სამეთვალყურეო საბჭოს ჰყავთ იგივე არა-აღმასრულებელი წევრები; TBC PLC საბჭოს თავმჯდომარე ასევე ემსახურება ბანკს სამეთვალყურეო საბჭოს თავმჯდომარედ; ისევე როგორც უფროსი დამოუკიდებელი დირექტორი და ხოლო PLC-ის კომიტეტის თავმჯდომარეები ბანკში ექვივალენტი კომიტეტის თავმჯდომარეები არიან.

რაც შეეხება ცვლილებებს, ეროვნული ბანკის კოდექსში შეტანილი შემდეგი ცვლილებები, გავლენას მოახდენს ბანკის სამეთვალყურეო საბჭოს ამჟამინდელ შემადგენლობაზე. კერძოდ:

სამეთვალყურეო საბჭოს თავმჯდომარე უნდა იყოს დამოუკიდებელი;

დრო, რომლის შემდეგაც სამეთვალყურეო საბჭოს წევრი დამოუკიდებლად შეწყვეტილად ითვლება, 9 წლიდან 7 წლამდე შემცირდა. ეს პერიოდი უნდა გამოითვალოს შესაბამისი წევრის სამეთვალყურეო საბჭოში დანიშვნის დღიდან.

ამ ცვლილებების შესაბმისად, TBC PLC-ის ბორდის გადაწყეტილებით, მიმდინარე წლის 31 დეკემბრამდე, შემდეგი ცვლილებები განხორციელდება:

ნიკოლოზ ენუქიძე, TBC PLC საბჭოს და ბანკის სამეთვალყურეო საბჭოს ამჟამინდელი თავმჯდომარე ვეღარ შეძლებს ბანკის TBC PLC და სამეთვალყურეო საბჭოს თავმჯდომარის მოვალეობის შესრულებას.

ნიკოლას დომინიკ ჰააგი, TBC PLC- ის ამჟამინდელი უფროსი დამოუკიდებელი დირექტორი ვეღარ შეძლებს ამ როლის შესრულებას როგორც TBC PLC საბჭოში, ასევე ბანკის სამეთვალყურეო საბჭოში. მას ასევე ორივეგან ეზღუდება უფლებამოსილება, როგორც აუდიტის კომიტეტის ამჟამინდელ თავმჯდომარეს.

TBC PLC საბჭო მალე დაიწყებს ძიების სრულ პროცესს, რათა განიხილოს აუდიტის კომიტეტის თავმჯდომარის და თავმჯდომარის როლები, და განიხილავს როგორც შიდა, ასევე გარე კანდიდატებს.

საბჭო ასევე დანიშნავს დამოუკიდებელ დირექტორს, რომელიც შესაბამის დროში გახდება შემდეგი უფროსი დამოუკიდებელი დირექტორი.

მოსალოდნელია, რომ ყველა ცვლილება განხორციელდება 2021 წლის 31 დეკემბრამდე, რათა მოხდეს გლუვი გადასვლა.