თბილისი (GBC) - მთავრობის სხდომაზე, სახელმწიფო ქონების შესახებ საქართველოს კანონში ცვლილებები დამტკიცდა. დახმარება ეკუთვნის პანდემიით გამო საინვესტიციო პირობების დამრღვევ კომპანიებს. მათ შორის იმ კომპანიასაც, რომელმაც შესყიდული ქონების საფასური ვერ გადაიხარა. ასევე მოიჯარეებს. 

"სახელმწიფო ქონების პირდაპირი გადაცემის წესით შემძენისთვის  ვაკეთებდით ამ შეღავათს. მაგრამ აუქციონზე შესყიდულ და იჯარით გადაცემულზე ვერა. საგანგებო ჩანაწერის გამო. ცვლილების შედეგად, სახელმწიფო ქონების იჯარით ამღებ ან მყიდველს თანაბარ პოზიციაში დააყენებს. დასაბუთების შემთხვევაში ყველას მიეცემა საშუალება, რომ მთავრობამ თითოეულზე იმსჯელოს, მიიღოს გადაწყვეტილება - გადაუვადოს გადასახადები, აპატიოს პირგასამტეხლოები, გადაუვადოს საიჯარო ქირა“, - განაცხადა ეკონომიკის მინისტრმა.

„სახელმწიფო ქონების შესახებ“ საქართველოს კანონში ცვლილებები ეკონომიკისა და მდგრადი განვითარების სამინისტროს მიერ არის ინიცირებული  და უახლოეს პერიოდში პარლამენტს წარედგინება.