თბილისი ( GBC) - გირჩი დანიელსონთან მიდის დასაკვირვებლად, - იაგო ხვიჩიამ რუსთავი 2-ის  ეთერში დაკვირვებასთან ერთად ინიციატივების წარდგენაც არ გამორიცხა. მიაჩნია, რომ ქართული ოცნება რურუა/მელიას გათავისუფლების საკითხში ისეთი შეუვალი არ იქნება, როგორც ვადამდელ არჩევნებზეა.

ხვიჩიამ მოვლენების განვითარების რამდენიმე სცენარზე ისაუბრა, სხვადასხვა დათქმით. მათ შორის, ვინმე მოხალისის მიერ მელიას  11 000 ევროს გირაოს გადახდის ვერსიაზე, იმ დაშვებით, თუ მანამდე რურუას საპატიმროდან გამოშვებული იქნებოდა. თუმცა შემდეგ დასძინა, რომ  ეს კომბინაცია დანიელსონის პირველი ვიზიტის ფარგლებში  განიხილებოდა. შარლ მიშელის წარმომადგენლის მე-2, მინდინარე ვიზიტის ფარგლებში კი სხვა მოცემულობაა და ახლა ხვიჩია ქვეყნის პრეზიდენტის მიერ რურუა/მელიას  შეწყალების  შესაძლებლობას ხედავს. 

ხვიჩიას ვერსიები მდინარაძესთან ცალკეპარტიულ შეხვედრებს ეყრდნობა.