თბილისი (GBC) -  „აწარმოე საქართველოში“ დახმარებით კიდევ ერთი ახალი ქართული საწარმო იწყებს წარმოებას, რომელშიც 2 მილიონამდე ლარის ინვესტიცია განხორციელდება, - ეკონომიკის მინისტრმა მაღალტექნოლოგიურ „კომპავა ჯორჯიას“ საწარმოში პროტეინის და საკვები დანამატების ადგილობრივი წარმოების ხელშეწყობაზე განაცხადა. სამხრეთ კავკასიაში აღნიშნული პროფილის პირველი საწარმოა, რომლიც სააგენტოს ინდუსტრიული მიმართულების სესხის პროცენტის თანადაფინანსების კომპონენტის ფარგლებში, შეიქმნა.

სლოვაკური წამყვანი ბრენდის "კომპავას" ფრანჩაის კომპანიას დიდი გეგმები აქვს, პროდუქციას მალე გაიტანს. ჯერ სამეზობლოში და შემდეგ სხვა ბაზერების მოძიებაზე იმუშავებს.

 პროდუქტი 300 გ - 5 კგ-მდე ქილებში იფუთება. საწარმოს წლიური წარმადობაა 40 ტ.

საწარმო „აწარმოე საქართველოში“ ქონების კომპონენტითაც სარგებლობს, რაც მეწარმისთვის გარკვეული საინვესტიციო ვალდებულებით სახელმწიფო მფლობელობაში არსებული უძრავი ქონების სიმბოლურ ფასად გადაცემას გულისხმობს.