თბილისი (GBC) -2020 წლის მონაცემებით, საქართველოში რეგისტრირებული ავტომობილების ( 1.3  მლნ)  მხოლოდ 6 %-ია დაზღვეული. გასულ წელს სადაზღეო კომპანიების მიერ სულ 93.196 ავტომანქანა იყო დაზღვეული . 2019 წელთან შედარებით, დაზღვეული ავტომობილების რაოდენობა 2.5 ათასით შემცირდა. გასულ წელს ავტომობილების დაზღვევიდან სადაზღეო კომპანიების მიერ მოზიდულმა პრემიამ 116.7 მილიონი შეადგინა.

2020 წლის განმავლობაში, სახმელეთო სატრანსპორტო საშუალებათა დაზღვევის სახეობაში მოზიდული პრემია და ბაზრის წილი კომპანიების მიხედვით ასე ნაწილდება : „თიბისი“ – 27.29 მილიონი და ბაზრის 23%, „ალდაგი“- 23.28 მილიონი და ბაზრის 20%, „ჯიპიაი“- 19.83 მილიონი და ბაზრის 17 %.  ბაზრის დანარჩენი 40% და პრემიის სახით მოზიდული 46.3 მილიონი ლარი 15 კომპანიაზე ნაწილდება. 2020 წელს სადაზღვეო კომპანიების წმინდა მოგებამ 47.6 მილიონს მიაღწია, ხოლო  მოზიდულმა სადაზღვევო პრემიამ პირდაპირი დაზღვევის საქმიანობიდან  667,3 მილიონი ლარი შეადგინა. დაზღვევის სახელმწიფო ზედამხედველობს სამსახურის ინფორმაციით, ბაზარზე 18 სადაზღვეო კომპანია ოპერირებს.