სავალუტო ფონდმა საქართველოს ეკონომიკური ზრდის პროგნოზი შეამცირა. საფინანსო ინსტიტუტი მიმდინარე წელს ქვეყანაში 3.5%-იან ეკონომიკურ ზრდას ელის, მაშინ როცა წინა პროგნოზი 4%-იან ზრდას ითვალისწინებდა. ზრდის დაჩქარებას სსფ 2021 წლიდან ვარაუდობს , კერძოდ 5.8%-მდე.

რაც შეეხება ინფლაციის დონეს, სავალუტო ფონდის პროგნოზით, 2021 წელს ქვეყანაში სამომხმარებლო ფასების ზრდის დონე საშუალოდ 3.8% იქნება, წლის ბოლოსთვის კი 5%.

სავალუტო ფონდის უახლეს ანგარიშში ვკითხულობთ რომ 2021 წელს გლობალური ეკონომიკური ზრდა 6% იქნება. პროგნოზი ოქტომბერთან შედარებით გაუმჯობესებულია, თუმცა მას თან ახლავს გაურკვევლობა რასაც ვირუსის შესაძლო გავრცელება და ვაქცინაციის პროცესის ტემპი განაპირობებს.