თბილისი (GBC) - Bank of Georgia Group PLC- ის (BOGG)  რუბიკონ აღმასრულებელი კაპიტალის საკომპენსაციო მინდობილმა კომპანიამ Sanne Fidiciary Services Limited-მა, ბროკერის შუამავლობით BGEO-ს 27,916 ჩვეულებრივი აქცია შეიძინა, თითოეულის ნომინალური ღირებულება £0.01. თითოეული აქციის ღირებულება £11.06 იყო. (ვაჭრობა 1 აპრილს შედგა).

ტრასტს აქციები მისი ბენეფიციარების ჯილდოებისთვის უჭირავს. პოტენციურ ბენეფიციარებს შორის აღმასრულებელი დირექტორი და ჯგუფის მენეჯერული პასუხისმგებლობის მქონე პირები არიან.

აღნიშნული ტრანზაქციის შემდეგ ტრასტი 861,664 აქციას იკავებს, რაც დაახლოებით BGEO-ს მიერ გამოშვებული ჩვეულებრივი აქციების კაპიტალის დაახლოებით 1.75%-ია.  ტრასტის აქციები სრულად არსებული ჯილდოებისთვისაა გამოყოფილი.

SANNE-მ ასევე, როგორც BOGG-ის თანამშრომელთა ტრასტმა, ბროკერის მიერ მართული გმოსყიდვის პროგრამის ფარგლებში BGEO-ს 16,235 ცალი ჩვეულებრივი აქცია შეისყიდა (ნომინალური ღირებულებით £0.01). საშუალო ფასმა თითო აქციაზე £11.02 შეადგინა.

აღნიშნული ვაჭრობაც 1 აპრილს შედგა და ესეც მენეჯერების ჯილდოებისთვისაა განკუთვნილი.

აღნიშნული ტრანზაქციის შემდეგ, დასაქმებულთა ტრასტის საკუთრებაში 287,188 ცალი აქცია იქნება, რაც ჯგუფის მიერ გამოშვებული სააქციო კაპიტალის 0.58%-ია.  აქციები სრულად ჯილდოებისთვისაა განკუთვნილი.