თბილისი (GBC) - COVID 19- ის გავლენა ავიაციაზე და სამომავლო პერსპექტივები -თემაზე გამართულ  ვებინარზე აეროპორტების გაერთიანების საავიაციო ბიზნესის განვითარების მენეჯერმა ვაკო ჭილაშვილმა სწრაფად მზარდი საავიაციო ინდუსტრიის პანდემიით შეცვლილ გეგმებზე ისაუბრა.

ICAO-ს მონაცემებით 2010-2019 წლების პერიოდში გლობალურ ჭრილში საავიაციო ინდუსტრიის ზრდა იყო 60% შეადგინა, 2019  წელს გლობალურის ზრდა -4.9%, ევროპის საავიაციო ბაზრის კი 6.6%.

,,საქართველოს ავიაბაზარი - 2020 წელს მგზავრთნაკადის 15%-მდე ზრდას პროგნოზირებდა. 2019 წელს აეროპორტების ნაკადმა 5.2 მილიონი შეადგინა (2010 წელთან შედარებით ზრდა  640%)".

“მკაცრი და მყისიერი შეზღუდვების მიუხედავად ინდუსტრიის მოლოდინები დამყარებული იყო პანდემიასთან სწრაფი გამკლავების სცენარზე. სრული ჩაკეტვის პირველ თვეში (04/2020) მთელი მსოფლიოს მასშტაბით საჰაერო სამგზავრო გადაზიდვების ყოველთვიური მოცულობა საშუალოდ 460 მლნ ადგილიდან 150 მლნ-მდე შემცირდა.ყველაზე მნიშვნელოვანი 91%-იანი კლება განიცადა ევროპის საავიაციო ბაზარმა, რომელიც განპირობებული იყო უფრო მკაცრი შეზღუდვებით ვიდრე სხვა კონტინეტებზე.

მარტში საქართველოს ავიაბაზარზე ოპერირებდა 17 კომპანია (მიმართულება 18). ზაფხულის სეზონზე დაემატება  27 მიმართულება და ჭილაშვილი არ გამორიცხავს, 2021 წლის ბოლომდე ბათუმის, ქატაისის და თბილისის აეროპორტების მგზავრთნაკადი 2019 წლის მონაცემებთან შედარებით 40-45%-თაც კი აღდგეს.