თბილისი (GBC) - საერთაშორისო სავალუტო ფონდმა (სსფ) საქართველოს ეკონომიკური ზრდის პროგნოზი 2021 წლისთვის 4.3%-დან  3.5%-მდე შეამცირა.

სსფ-ის პროგნოზით, 2022 წელს ქვეყნის ეკონომიკური ზრდა 5.8% იქნება, 2023 წელს კი 5.5%-იანი. 2024 – 2026 წლებისთვის ზრდა 5.2%-იან ნიშნულზე ივარაუდეს.

რაც შეეხება ინფლაციას, სსფ 2021 წელს 3.8%- იან ინფლაციას პროგნოზირებს. მაშინ, როდესაც გასული წლის ნოემბერში, 2021 წლის ბოლოსთვის ინფლაციის სამიზნე 3%-იან მაჩვენებლზე მიახლოებას ვარაუდობდნენ.

სსფ 2022 წლისთვის ინფლაციის 2.7%-იან მაჩვენებელს ვარაუდობს, ისევე როგორც 2023 წელს. 2024-2025 წლებში სსფ ინფლაციის 3%-იან ნიშნულზე დაფიქსირებას ელის, 2026 - ში კი 2.95%-ზე. 2021 წლის ეკონომიკური ზრდის პროგნოზი სსფ-მ უკვე მეორედ შეამცირა.

თავდაპირველი პროგნოზი გასული წლის ოქტომბერში 5% იყო, მომდევნო პროგნოზი კი სსფ-მ, მისიის ვიზიტისას 4.3%-ზე გააკეთა.