თბილისი (GBC) - საზოგადოებრივი ჯანდაცვის კანონში დაგეგმილი ცვლილებების თანახმად, უცხოელ სტუდენტებს საქართველოში კოვიდ სერვისი შემცველი სადაზღვეო პაკეტის შეძენის ვალდებულება ექნებათ. ჯანდაცვის მინისტრის მოადგილის თამარ გაბუნიას განმარტებით, სადაზღვეო პაკეტში სერვისების ჩამონათველი და პრეისკურანტი მოგვიანებით, კერძო სადაზღვეო კომპანიებთან კონსულტაციის შედეგად განისაზღვრება. მისივე თქმით, მსგავსი სადაზღვეო პაკეტი,  ოღონდ არასავალდებულო შესაძლოა ტურისტებისთვის და ხანმოკლე ვიზიტორებისთვისაც შეიქმნას. სადაზღვეო პაკეტით  უცხოელი სტუდენტები საქართველოში აქამდეც სარგებლობდნენ, თუმცა მასში კოვიდ სერვისი გათვალისწინებული არ იყო.  პარლამენტის ჯანმრთელობის დაცვისა და სოციალურ საკითხთა კომიტეტმა ცვლილებას დღეს მხარი დაუჭირა. საქართველოში 10 000 უცხოელი სწავლობს.