თბილისი (GBC) - ოკუპირებული ტერიტორიებიდან გადმომსვლელთა მიმართ მოქმედი რეგულაციები იცვლება,19 აპრილიდან. 5-დღიანი კარანტინის ნაცვლად, ანტიგენ-ტესტით ტესტირებას დაექვემდებარებიან; ასევე, აიცრებიან, ნებაყოფლობით, ვაქცინაციის ეროვნული გეგმით განსაზღვრული ასაკობრივი ჯგუფების შესაბამისად. 

გადაწყვეტილება უწყებათაშორისმა საკოორდინაციო საბჭომ ინფიცირებულ პრემიერთან ვიდეოკონფერენციის ფორმატში გამართულ სხდომაზე მიიღო.

ჯანდაცვის მინისტრმა ეკატერინე ტიკარაძემ ვაქცინაციის გაფართოების გეგმა წარადგინა, პრიორიტეტული ასაცრელი ჯგუფების ეტაპობრივად გაზრდაზე.

საბჭოზე აღინიშნა, რეგულაციების დაცვის საჭიროებაზე, გაზრდილი ინფიცირების მიუხედავად მკაცრი შეზღუდვების აცილებისთვის,. 

საქართველოში კორონავირუსის პირველი შემთხვევის გამოვლენიდან (26/02/2020)  დღემდე,  ვირუსით ინფიცირების 291 214 ლაბორატორიულად დადასტურებული შემთხვევაა. 278 683 პირი გამოჯანმრთელდა, გარდაცვლილია 3 901. ამ ეტაპზე კარანტინშია 162 პირი,  კლინიკურ სასტუმროებში - 338, სტაციონარში - 2 546.

ბოლო 24 საათში ინფიცირების 1 085 ახალი შემთხვევაა. ყველაზე მეტი, თბილისში -664, სამეგრელო-ზემო სვანეთში -120 აჭარაში -96