თბილისი (GBC) - 2021 წლის მარტის თვეში, ესკო-ს მეშვეობით შესყიდულმა (გაყიდულმა) საბალანსო ელექტროენერგიის რაოდენობამ 373,9 მლნ კვტ.სთ შეადგინა, რაც  ქსელში მთლიანი მიწოდების 30% წარმოადგენს. საბალანსო ელექტროენერგიის ღირებულებამ 62,48 მლნ ლარი შეადგინა.

მარტში საბალანსო ელექტროენერგიის საშუალო შეწონილი ფასი ერთ კვტ.სთ-ზე 16,7 თეთრი იყო.

აღნიშნულ საანგარიშო პერიოდში ესკო-ს მიერ შესყიდული საბალანსო ელექტროენერგიის  უმეტესი ნაწილი შედგებოდა იმპორტირებული ელექტროენერგიისაგან. საბალანსო ელექტროენერგიის მთლიან მოცულობაში ჰიდროელექტროსადგურების წილი 33% იყო, თბოელექტროსადგურების - 2%, ქარის ელექტროსადგურის - 2%, ხოლო იმპორტის – 63%.