თბილისი (GBC) - ეროვნული ბანკი სავალუტო ინტერვენციებს მთელი წლის განმავლობაში გეგმავს. ეროვნული ბანკის ვიცე პრეზიდენტის პაპუნა ლეჟავას განცხადებით, ქვეყანაში მნიშვნელოვნად არის შემცირებული საგარეო შემოდინებები რის დაბალანსებასაც ეროვნული ბანკი ინტერვენციებით ცდილობს. 

„ბოლო პერიოდში რამდენიმე საკმაოდ მნიშვნელოვანი მოვლენა მოხდა, რამაც ლარის კურსზე გავლენა მოახდინა. მათ შორისაა რისეთის მიერ საქართველოში პირდაპირი ფრენების აკრძალვა 2019 წელს, არასტაბილურობა რეგიონში, ომი სომხეთსა და აზერბაიჯანს შორის. პანდემია საქართველოსთვის განსაკუთრებით მტკივნეული აღმოჩნდა ტურიზმი, რომელიც ეკონომიკის ერთ-ერთი მთავარი მამოძრავებელი ძალა იყო. 

ლარზე სხვა ბევრი ფაქტორიც ახდენს გავლენას თუმცა მის გაუფასურებაზე ძირითად  ზემოთ მოყვანილი ფაქტორები ახდენს. 

მებისმიერი ლოქდაუნი მტკივნეულია ეკონომიკისთვის, თუმცა ეს ხშირ შემთხვევაში აუცილებელია. 

საგარეო დანაკლისი საკმაოდ დიდია, შემცირდა ექსპორტი როგორც პროდუქციის ასევე სერვისების. ვთვლით რომ ეს დროებითია და ეკონომიკის აღდგენის შემდეგ უნდა დავუბრუნდეთ საწყისებს. ამ პერიოდში ინტერვენციები აქტიურია და წლის განმავლობაში ამ მხრივ აქტიურები ვიქნებით“, - ამბობს პაპუნა ლეჟავა.