თბილისი (GBC) - ბოლო წლების რეგულაციებმა მიკროსაფინანსო ბაზარი დააპატარავა. მისოების რაოდენობა 2017 წლიდან მოყოლებული 52%-ით შემცირდა, დასაქმებულების კი 16%-ით. სექტორში 4145-მდე პირია დასაქმებული.

PMC-ის კვლევით, 2020 წელს, წინა წელთან შედარებით სექტორი აქტივებმა ზრდა აჩვენა თუმცა თუკი მას რეგულაციების მიღებამდე პერიოდს შევადარებთ სექტორში მნიშვნელოვანი კლებაა. აქტივები ჯამურად 2017 წლის შემდეგ 10%-ით არის შემცირებული.

შემცირებულია პორტფელი.2020 წელს მიკროსაფინანსო სექტორმა ჯამურად 4.5 მლრდ ლარის სესხი გასცა, რაც 2 წლიან პერიოდში 4%-ით შემცირებული მაჩვენებელია.

2020 წელს მისოების ვალდებულებებმა 0.98 მლრდ ლარი შეადგინა (+9%Y.Y). 2019 წელს კი 2018 -თან შედარებით, ვალდებულბები 32%-ით, აქტივები კი 21%-ით შემცირდა.

ამავე პერიოდში სექტორის აქტივების მნიშვნელოვან კლებას PMC-ი ეროვნული ბანკის მიერ, მინიმალური კაპიტალის მოთხოვნის დაწესებას უკავშირებს.

2020 წელს სექტორის მთლიანი შემოსავლები 13%-ით 814.9 მლნ ლარამდე შემცირდა. წმინდა მოგება კი 47 მლნ ლარამდეა გაზრდილი. 2017 წელთან შედარებით კი სექტორის მოგება 17%-ით არის შემცირებული.