თბილისი (GBC) - საპატრიარქოსთან შეთანხმებით, ქრისტეს ბრწყინვალე აღდგომის სადღესასწაულო ლიტურგია ტაძრებში მრევლის დისტანცირებით ჩატარდება. გახმოვანების სისტემით, ეზოში მოსმენის შესაძლებლობით. ამ დროისთვის, როგორც გამოაცხადეს გადაწყვეტილია პარასკევი-ორშაბათს სასაფლაოებზე მიმსვლელთა შეზღუდვა, რაც ჩაკეტვას ნიშნავს. ჩაიკეტება სასაფლაოებთან მისასვლელი გზები. ტერიტორიაზე მხოლოდ ჯგუფურად გადაადგილება კი არ იკრძალება, 3 ან მეტი  პირის, არამედ ერთისაც.  აკრძალვის რეგულაციები, შავი პარასკევის, კვირის, დიდი შაბათის და დიდი ორშაბათის შემდეგაც შენარჩუნდება თუ არა, მთავრობის დადგენილება განსაზღვრავს, რომელიც სამშაბათს გამოქვეყნდება. აღნიშნულ დადგენილებაში იქნება უქმეებზე დასაკეტი ობიექტების ჩამონათვალიც.

კომენდანტის საათი, მხოლოდ ერთი ღამით, 1 მაისის 23:00 საათიდან 2 მაისის 04:00 საათამდე მოიხსნება. უწყებათაშორისი საკოორდინაციო საბჭოს გადაწყვეტილება, ჯერ მხოლოდ პარასკევი-ორშაბათისთვის არის მიღებული.

4-13 მაისის  უქმეებზე. ბანკები იმუშავებს, არასასურსათო მაღაზიები არა (წინასწარი ინფორმაციით). 3-დან 12 მაისის ჩათვლით, შეიზღუდება მუნიციპალური ტრანსპორტი, საქალაქო არა. გაგრძელდება ვაქცინაცია.

კვირის ბოლოს გახდება ცნობილი სავაჭრო ცენტრები დაიკეტება თუ არა. ამ დროისთვის გარკვეულია, რომ უქმეები არ შეეხება: სამედიცინო დაწესებულებებს, აფთიაქებს, სურსათის, ცხოველის საკვების წარმოებას, დისტრიბუციას, საავტომობილო, სარკინიგზო, საჰაერო გადაზიდვებს. წყალმომარაგების საქმიანობას, საფოსტო და საკურიერო მომსახურებას, ბანკებს, მისოებს, სავალუტო ჯიხურებს.