თბილისი (GBC) -  Bank of Georgia Group PLC (BOGG) 2015 წლიდან, SOLO- ს რებრენდინგის შემდეგ, თავისი კლიენტების ბაზის სტაბილურ ზრდას ხედავს.

მიუხედავად COVID-19 პანდემიისა, 2020 წლის 31 დეკემბრის მდგომარეობით, SOLO მოემსახურა 60,330 მომხმარებელს, რაც 10.6% -ით მეტია (y.y).

2020 წელს შეძენილი ახალი მომხმარებლების წილმა წლის ბოლოს, SOLO- ს მომხმარებელთა 16.2% შეადგინა, რაც BOGG-ის განცხადებით, ნათლად აჩვენებს SOLO Club-ის ფრენჩაიზის პოპულარობას მათ შიდა ბაზარზე.

SOLO-ს საწევრო ჯგუფი მომხმარებლებს სთავაზობს ექსკლუზიურ წვდომას SOLO– ს პროდუქტებსა და შეთავაზებებზე SOLO– ს სხვა კლიენტებთან შედარებით, უფრო მაღალ გადასახადში.

ერთ-ერთი ასეთი  ექსკლუზიური პროდუქტია American Express Platinum ბარათი, რომელიც მხოლოდ SOLO Club-ის წევრებისთვის არის ხელმისაწვდომი. 2019 წლიდან, SOLO კლუბის წევრები ასევე სარგებლობენ პირადი ასისტენტის მომსახურების უპირატესობებით.

2020 წლის 31 დეკემბერს SOLO Club-ს  5,565 წევრი ჰყავდა, რაც 1.5% -ით მეტია (y.y).

SOLO სრულად თვითდაფინანსებული ფრენჩაიზია. 2020 წელს COVID-19 პანდემიის მიუხედავად, SOLO– ს მთლიანი სასხების და დეპოზიტების პორტფელებმა აჩვენა ზრდა, თითოეულმა მიაღწია 2,7 მლრდ ლარზე მეტს, რაც 22% -ით და 23.3% –ით გაიზარდა, შესაბამისად (y.y).

სესხისა და დეპოზიტების პორტფელის მოცულობით, SOLO უსწრებს საქართველოში სიდიდით მესამე ბანკს (ლიბერთი).

2019 ში ჯგუფმა სამი წლის განმავლობაში (2018-2021), სხვა სრტატეგიულ ნაბიჯებთან ერთად, 2018 წლის მოგების გაორმაგება დაისახა მიზნად.

SOLO-ს მომხმარებელთა 89% იყენებს mBank-ს, მათი mBank-ით განხორციელებული თვიური ტრანზაქციები თითო მომხმარებელზე 19%-ით გაიზარდა (y.y).  

ჯგუფის განცხადებით, პანდემიის მიუხედავად, SOLO-ს საშუალოვადიანი ძირითადი მიზანი კვლავ მოქმედებს.

SOLO– ს ოპერაციებზე, ისევე, როგორც ჯგუფის სხვა ბიზნეს სეგმენტებზე, მნიშვნელოვნად იმოქმედა COVID-19 პანდემიამ

2020 წლის შედეგებზე უარყოფითი გავლენა წინა სესხების დანაკარგების  რეზერვებმა და წლის განმავლობაში სესხის რესტრუქტურიზაციასთან დაკავშირებული წმინდა ზარალმა იქონია.  

2020 წელს SOLO– ს მოგებამ 57.5 მლნ ლარი შეადგინა, რაც 28.4% –ითაა შემცირებული (y.y).

2020 წელს SOLO– ს მოგებამ თითო მომხმარებელზე 1,007 ლარი შეადგინა, რაც 50 – ჯერ მეტია, ვიდრე მასობრივი საცალო ვაჭრობის სეგმენტში.

მაგალითისთვის, თითო SOLO მომხმარებლიდან ბანკი 1Q19-ში 1,625 ლარის მოგება მიიღო.  

“ჩვენი მიზანია კიდევ უფრო გავაძლიეროთ ჩვენი ძირითადი სტრატეგიული საყრდენები - საუკეთესო სამომხმარებლო მომსახურება და გაზრდილი დიჯიტალიზაცია, რაც საშუალებას მოგვცემს უზრუნველვყოთ სპეციალური შეთავაზებები, რათა SOLO გადავიდეს განვითარების შემდეგ ეტაპზე“, - აცხადებს BOGG.

პანდემიის გავლენის მიუხედავად, ჯგუფი კიდევ ერთხელ იმეორებს მათ საშუალოვადიან საკვანძო მიზანს - SOLO– ს 2018 წლის მოგება გაორმაგდეს და 112 მლნ შეადგინოს 2018-2021 წლებში.

მიუხედავად ყველაფრისა, BOGG-ის პრემიუმ საბანკო ბრენდი, ყველაზე მცირე გავლენის ქვეშ მოექცა, მათი საცალო საბანკო სექტორების საქმიანობებს შორის  და განაგრძო ზრდა და ინვესტირება.

SOLO -ს 11 ფილიალი აქვს, საიდანაც 9 თბილისშია, ხოლო ორი რეგიონებში.

2020 წლის 31 დეკემბერს, SOLO სეგმენტის პროდუქტისა და კლიენტის თანაფარდობა იყო 4.8, ხოლო მათი საცალო ფრენჩაიზისთვის 2.0.

მიუხედავად იმისა, რომ SOLO კლიენტები ამჟამად წარმოადგენენ ბანკის საცალო ვაჭრობის მომხმარებელთა საერთო რაოდენობის  2.3% -ს, მათ 30.4%-იანი წვლილი შეიტანეს საცალო სესხებში, 38.5% საცალო დეპოზიტებში, 24.4% და 28.5% მათ წმინდა საცალო საპროცენტო შემოსავალში და საცალო მოსაკრებელსა და საკომისიოში, შესაბამისად.

SOLO სეგმენტიდან მოსაკრებლებისა და საკომისიოს შემოსავალმა 2020 წელს 27.4 მლნ ლარი შეადგინა, რაც 7.4% -ითაა გაზრდილი (y.y).